Konpost gune berriak egiteko obrak hasi dituzte
Gaztaño eta Alaberga auzoetan egingo dituzte eremu berriak, baita Uztargi haur eskolari eta San Markoko jatetxeari zerbitzu emateko ere.
Lau eremu berri egingo dituzte, bi erabilera publikorako eta beste biak pribaturako. Horrela, Gaztaño eta Alabergako auzokideentzako gune bana egingo dute, eta Uztargi haur eskolarentzako zein San Markoko jatetxeari zerbitzua emateko beste bana. Martxan dauden beste hiru konpostaje guneekin bat egingo dute.
Bi auzoetako eremuek hogeina familiari emango diete zerbitzua. Alabergan toki batzuk geratzen dira, eta konposta egiteko interesa dutenek 943 44 96 03 telefono zenbakira dei dezakete, 08:00etatik 12:00etara.
Ingurumen Sailak jakinarazi duenez, gune berri horiekin 8.000 kilotik gora hondakin organiko ez dira edukiontzira botako.
