'Zure Errenteria' iniziatiba Iztietara eramango du bihar EAJk
Diputazio Plazan egongo dira 11:00etatik 13:30era; auzoz auzo ibiliko dira jeltzaleak
EAJk Zure Errenteria iniziatiba auzoz auzo eramateko asmoa duela iragarri du. Horrela, lehenengo auzunea Iztieta izango da, eta lantaldeko hainbat partaide izango dira bihar Diputazio Plazan. 11:00etatik 13:30era izango dira bertan.
Euren helburua, adierazi dutenez, herritarren kezkak eta proposamenak “gertutik” ezagutzea da, “herritarren parte hartzea ezinbestekoa delako”. Jeltzaleek errenteriarrak animatu dituzte, euren ekarpenak egin ditzaten. Ideien partekatze horiek “denentzako onuragarriak” direla uste du alderdiak. Ekarpenak aurrez aurre jasotzeaz gain, facebook edo e-posta bidez egin daitezkeela gogorarazi dute. Koldo Mitxelena plazan duten lokalean ere helarazi daitezkeela esan dute.
