Memorandra jardunaldiek Errenteria-Oreretako memoria feminista berreskuratuko dute
Ostiralean hasi eta maiatzaren 8ra arte iraungo dute jardunaldiek; ekitaldi andana egingo dituzte Torrekuan
Errenteria-Oreretako memoria feminista berreskuratzeko jardunaldiak egingo dituzte ostiraletik aurrera. Memorandra izena jarri diete jardunaldiei, eta Torrekuan egingo dituzte ekitaldi gehienak. Antolatzaileek jakinarazi dutenez, udalerriko emakumeen “isildutako historia” ezagutarazteko ikerketa egiten ari dira, eta lan horren emaitzaren zati bat erakutsiko dute jardunaldietan. Horrela, hainbat gai zehatz jorratuko dituzte, besteak beste, emakumeek alor politikoan izan duten parte hartzea, sortutako erakundeak edota mugimendu feministaren borrokak. Gertatu zen hura ez dadila ahantz izena jarri diote proiektuari.
Hauxe izango da Oreretako Memoria Feministak antolatutako egitaraua:
- Hilak 17, ostirala Jardunaldien inaugurazio ekitaldia egingo dute Herriko Plazan, 18:30ean, eta ordu erdi beranduago Torrekuara abiatuko dira, proiektua aurkezteko.
- Hilak 18, larunbata Mari Luz Estebanen hitzaldia: El aborto, el feminismo vasco y la autodeterminación de las mujeres. 11:00etatik aurrera.
- Hilak 24, ostirala Gema Lasarte eta Uxue Alberdik Generoa eta gorputza euskal kulturan eta literaturan liburua aurkeztuko dute. 19:00etan.
- Hilak 25, larunbata Explorando mis sentidos tailerra, Kontxi Lopez Soriarekin. 10:30etik 13:30era izango da, eta Torrekuan bertan eman behar da izena.
- Hilak 30, osteguna Ovarios Verdes Fritos antzezlana, Niessen kulturgunean, 19:00etatik aurrera.
- Maiatzak 2, larunbata Bisita gidatua eta irekia, 12:00etatik aurrera.
- Maiatzak 3, igandea Dokumentalak, 19:00etatik aurrera.
- Maiatzak 7, osteguna Periodismo y feminismo, una relación. El caso de Pikara Magazine hitzaldia, 19:00etan.
- Maiatzak 8, ostirala Amaiera solasaldia, Medeak, Emakume Askeak eta Abortatzeko Eskubidearen Aldeko Plataforma: …eta orain zer?. 19:00etatik aurrera.
