Elikadura jasangarriagoa izango dutela hitzeman dute ikasleek
Hainbat ikastetxetako ikasleak udaleko ordezkariekin bildu dira, Eskolako Agenda 21en barruan
Udaleko ordezkariekin atera dute argazkia ikasle eta irakasleek
- Telleri Alde: Porru Kirolari maskota sortu dute, eta presentzia nabarmena izan du. Komunikazio eta sentsibilizazio ekintzak egin dituzte, eta konposta iniziatiban ere hartu dute parte.
- Gamon: Kale ikerketak egin dituzte. Taberna eta jatetxeetako menuak aztertu, kontsumo ohiturak zein diren galdetu, eta kirol eremuetan ere izan dira. Horrez gain, udalarekin foroa antolatu zuten urrian, Ingurumen Batzordearekin bilerak egin dituzte eta Eskolarteko Foroan gainontzeko ikastetxeekin parte hartu zuten.
- Koldo Mitxelena: Ondorioak atera dituzte. Horrela, saltoki txikietan erosten dutenek egunero egiten dute, eta elikagai freskoak, garaian garaikoak eta bertakoak eskuratzen dituzte. Saltoki handietan erosketak egiten dituztenek antzeko ezaugarriak dituzten produktuak hartzen dituzte, baina kanpoko elikagai gehiago eta aurrez prestatutakoak erosten dituzte. Gainera, herritarren erdiak baino gehiagok irakurtzen dute elikagaien informazioa, eta gehienek orgatxoa eta berriro erabiltzeko poltsa eramaten dute saltokira.
- San Jose-Gurutzearen Alabak: Ikastetxe horretakoek ere kalea zapaldu dute, eta kaleko janari makinen diagnosia egin dute. Jatetxeetan ere izan dira, eta menuak orekatuak izan daitezkeen arren, osagai eta plateretan ez dago aukera handirik. Menu barazkijalea duten jatetxeak zein fast foodeko gutxi aurkitu dituzte.
- Langaitz Ikastola: Beraun, Galtzaraborda eta Erdigunean ibili dira, eta denda txikiak dira nagusi. Guztietan bertako eta garaian garaiko produktuak daude. Xabier Olaskoaga plazako azokan produktu ekologiko daude.
- Bizaran ikastetxea: Galtzarabordako kiroldegiko erabiltzaileekin izan dira, eta euren elikadura ohiturei buruz galdetu diete.
