Oiartzungo baserrian 1936ko gerran izandako fusilatzeak kontatzen ditu; Pikoketak antolatu du ekitaldia
Pikoketan urtero egiten dute omenaldia
Pikoketa Oarsoaldeko errepublikazale elkarteak antolatuta,
Flores de la República. Los olvidados de Pikoketa liburua aurkeztuko dute bihar arratsaldean, 18:30etik aurrera, Xenpelar Etxean. Liburuaren egile Miguel Usabiaga izango da ekitaldian.
1936ko abuztuaren 11n Oiartzungo Pikoketa baserrian gertatutakoak jaso ditu liburuan. Egun hartan, errekete zutabe bat sartu zen Oiartzunen, eta baserrian hogei miliziano preso hartu, fusilatu eta hobi komun batean lurperatu zituzten. Bertan egon ziren 1978ra arte. Ordutik,
urtero biltzen dira hildakoen senideak, Pikoketa inguruan. Tartean, liburuaren egilea, bere osaba fusilatu baitzuten. Irun inguruan eragin handia izan zuen gertaera hark, eta orain arte gertatu zenaren ahozko kontakizunak zeuden, eta Usabiagak liburuan jaso ditu.
Elkarte errepublikazaleak gonbitea egin die herritarrei bertara joan daitezen. Aurkezpena “axolagabekeriarekin hausteko” modu bat dela uste dute.