Feminismoaren haziak ereiten

Emakumeen Mundu Martxari begira jarrita daude dagoeneko oiartzuarrak. Udaletxean elkartu ziren atzo karabana eskualdera etortzen denerako prestatzen.

eihartze aramendia

Oiartzun

2015/06/10

Lantaldetan banatu ziren

Emakumeen Mundu Martxari begira jarrita daude dagoeneko Oiartzungo feministak. Udaletxeko areto nagusian elkartu ziren atzo ilunabarrean karabana eskualdera etortzen denerako prestatzen. Kurdistanen martxoan hasi zen martxa irailaren bukaeran iritsiko da Oarsoaldera. Aurtengoa bosgarren bira izango da eta Euskal Herrirako pentsatutako leloa Gure gorputzak, gure lurraldeak, martxan jarraituko dugu guztiok libre izan arte da. Aurtengo sinboloa haziak dira. Hazien murala eta belardian marrazkia Mundu martxa eskualdera iristen denerako egin daitekeenari buruz aritu ziren bertaratutakoek. Hainbat ideia atera ziren: bertso potea, kale zinema, udaletxeko balkoia apaindu… Taldeka jarri ziren eta ideia horien inguruan hitz egiten egon ziren. Gehien gustatu ziren ekimenak bi izan ziren: hazien murala eta belardian marrazkia egitea. Hazi ezberdinekin aldarrikapen eta irudi bat margotzea izango da asmoa. Plazan egingo dute irudia denen artean eta gero mural hori plazan bertan geldituko da. Horrez gain, anbulatorio aurreko belardian emakumearen sinboloa margotuko dute loreekin. Hurrengo bilera irailean Aukeratutako ideiak gorpuzteko beste bilera egingo dute. Irailaren 3an izango da, 19:00etan, udaletxeko areto nagusian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Feminismoaren haziak ereiten

Gipuzkoa

Luis Mari Goikoetxea hil da, Zumaiako Arraun Elkarteko presidente ohia

Minbiziaren Aurka Gipuzkoan elkarteak arreta «gizatiarragoa eta integralagoa» eskatu du bularreko minbizia dutenentzat

Greba mugagabea abiatu dute Asteasuko Siemens Gamesan

Kutxa Fundazioak joko interaktibo bat sortu du, Gipuzkoan egiten duen lana erakusteko

Bi pertsona atxilotu dituzte «terrorismo» delitu bat egotzita

Donostiako autobus geltokia moldatzeko proiektu bat aurkeztu du udalak

Gogora-ko zuzendariak dio Itxasok borondatea duela Martuteneko espetxean «memoria elementuren bat» uzteko

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan

Aurtengo lehen sei hilabeteetan hamasei milioi bidaia egin dira Lurraldebusen, iaz aldi berean baino milioi bat gehiago

Gradu berri bat jarriko dute martxan EHUko Gipuzkoako Ingeniaritza Eskolan hurrengo ikasturtetik aurrera

Merkataritza lokalak etxebizitza bihurtzeko ordenantza aldatuko du Donostiako Udalak

Urriaren 19ko etxegabetzea bertan behera uztea lortu du Saretxek, behin-behinean