Euskal kultura ikertzeko abian jarri dute XIII. Koldo Mitxelena beka
Irailaren 11ra arte eska daitezke aurkezteko eskabideak eta dokumentazioak
Errenteriako Udalak XIII. Koldo Mitxelena Beka eskatzeko epea ireki duela jakinarazi du. Helburua euskal kulturari buruzko ikerketak sustatzea da, diziplina edozein dela ere: soziologia, historia, artea, antropologia, ekonomia, linguistika, literatura, etnologia, zuzenbidea edo gizarte zientziak, besteak beste.
Proiektua, ikerketa eta gainerako txostenak euskaraz, gaztelania edo frantsesez aurkez daitezke, baina 40 eta 50 orrialde arteko laburpen bat aurkeztu beharko dute, aukeratu ez duten hizkuntzetako batean (ofiziala izan behar du Eusko Autonomia Erkidegoan). Beka eskatu ahal dute ikerketa proiektu originalak eta aurkeztu gabeak dituztenek. Norbanakoak edo taldeak izan litezke, eta irailaren 11ra arte eska daitezke aurkezteko dokumentazioa zein eskabideak.
Bekaren zenbatekoa 9.010 euro gordin izango dira, eta iraupena hamabi hilabetekoa, gehienez, izango dira, beka esleitzen den egunetik hasita.
