Ospakizunez gain, Aitzol Gogorzaren kaleratzearen aldeko giza katean parte hartuko dute
Foru Plazan egingo dituzte ekitaldi gehienak
Oreretako Gazte Asanbladak bere egun handia ospatuko du larunbatean. Gazte Eguna antolatu dute, eta jaia eta aldarria uztartuko dituzte egun osoko egitarauan. 2005ean ekitaldi berezia egin zuten, orduan hamar urte bete baitziren Ibon Zabala 1995eko Gazte Egunean hil zelako. Ordutik aurrera, urtero antolatu du gazte asanbladak.
Goiz goizetik jarri dute zita. Bazkariko muntaketa egin ondoren, argazkia aterako dute gaztetxean. Gero,
Aitzol Gogorzaren kaleratzearen aldeko giza katean parte hartzeko deia egin dute. Ekitaldia, bazkaria eta jolasek jarraituko diote horri, eta gauerako kontzertuak antolatu dituzte. Honako hau da egitarau osoa:
- 10:00etan: Muntaketa, Foru Plazan.
- 11:30ean: Argazkia, gaztetxean.
- 12:30ean:Denborak ez du etenik!. Aitzol Etxera giza katea.
- 13:30ean: Ekitaldia, Foru Plazan. Ondoren, bazkaria (Txartelak Sindin daude salgai, hamabi euroren truke)
- Bazkaldu eta, gero moxkor jolasak.
- 20:00etan: Kontzertuak, Besteikpe eta Northern Pride taldeekin eta Ghetto Fyah sound systemarekin.
