Txirigota taldeak, bertsolariak eta otxoteak elkartuko dira asteburuan

Errenteria-Oreretako II. Txirigota Jaialdia ospatuko dituzte ostiral eta larunbatean

2015/06/23

Chirigota del Love (universogaditano.es)

Errenteria-Oreretako II. Txirigota Jaialdia ospatuko dute datorren asteburuan, bi saiotan. Cadizetik (Andaluzia) bi txirigota talde ariko dira, eta lehenik eta behin, harrera egingo diete udaletxean. Ostiralean izango da, 13:00etan. 19:30etik aurrera, Niessen Kulturgunean ariko dira bi taldeak. Alde batetik, La Chirigota del Love eta El Cabrak El que no entra, no sale txirigota oholtzaratuko dute. Aurtengo Cadizeko Inauterietan bigarren saria lortu dute. Javi el Canijoren laukoteak, berriz, Los niños de la Mary lana aurkeztuko du. Laukoteen mailan eurak ere bigarren izan ziren. Sarrerak salgai daude jada, kulturguneko leihatilan eta Sindikato eta De Cyne Reyna tabernetan, hamabi euroren truke. Egunean bertan hamabost euro balioko dute. Larunbatean bi taldeak berriro ariko dira kulturgunean —20:00etan, kasu horretan—, eta prezio berbera edukiko dute sarrerek. Ikuskizuna bukatuta, afaria egingo dute Niessen elkartean, 23:00etatik aurrera. Txirigota doinuak ez ezik, Karnaba otxotearen abestiak entzuteko aukera ere egongo da. Fredi Paya bertsolariak egingo ditu kadiztarren eta errenteriarren arteko lotura lanak. Otorduak hogei euro balio ditu, eta lehenago eman beharko da izena, 652 776 818 telefono zenbakira deituta, edo e-posta bidez.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.