Aitzol Gogorzaren etxeraino eramango dute hura bertaratzeko aldarria

Sarek antolatuta, giza kate batek Iztietako anbulatorioa eta Gaztaño auzoa lotuko ditu bihar eguerdian

2015/06/26

Aitzol Gogorzaren askatasuna aldarrikatu zuen apirilaren 19an

Iztietako anbulatorioa eta Gaztaño lotuko ditu, bihar eguerdian, giza kate batek. Sare giza eskubideen aldeko taldeak antolatu du ekitaldia. Aitzol Gogorza gaixo dagoen presoa aske uztea eskatuko dute bihar. Sareko kide Arrate Manzisidorrek adierazi duenez, Gogorzaren egoera larria salatu nahi dute, eta horrekin batera, bera espetxetik ateratzea aldarrikatu. “Iztietako anbulatorioa eta bere gurasoak bizi diren etxea lotu nahi ditugu, modu sinbolikoan”, gaineratu du Manzisidorrek. “Denen parte hartzearekin eta indarrarekin lortu nahi dugu Aitzol etxean egotea”, esan du Sareko partaide ere den Ioritz Sanzek. Biharkoa presoaren kaleratzearen aldeko iniziatibaren barruan kokatzen da. Duela hilabete dezente jarri zuten martxan Denborak ez du etenik. Aitzol askatu dinamika, eta Gogorza aske uztearen aldeko hainbat jarduera egin dituzte, hala nola, agerraldi jendetsu bat, herriko hainbat artistek sortutako lanen bilduma bat, eta udalean mozio bat aurkeztea. Bertan, besteak beste, udalak kasuaren jarraipena egitea onartu zuten. Pasa den hilean, Julen Mendoza Errenteriako alkateak eta Aintzane Intxausti psikiatrak larri gaixo dagoen presoaren egoera salatu zuten Eusko Legebiltzarrean. Sareren aldetik, iazko azken egunean ehunka argidun puxika bota zituzten zerura aldarri berarekin, eta apirilaren 19an S erraldoi bat osatu zuten Koldo Mitxelena plazan. Biharko Sarek hirugarren ekitaldia antolatu du, eta espero dute azkena izatea. Herritarrekin 12:30ean jarri dute zita, Foru Plazan.

Ibilbidea, bost zatitan

Abiapuntutik aterata, bi zutabetan banatuko dira. Batzuk, Gaztaño auzorant joango dira, eta beste batzuk Iztietarantz. Ibilbidea osatzen duten 700 metroak bost zatitan banatuko dituzte. Anbulatoriotik Koldo Mitxelena ikastetxera izango da lehenengo zatia, hurrena hortik Foru Plazara arte. Plaza inguratuko dute herritarrek, eta handik topo geltokira arte joango da laugarren zatia. Azkenekoa, trenbideetatik Gaztañoko plazarainokoa izango da, Sanzek zehaztu duenez. “Tarte bakoitza kolore batekin identifikatuko dugu, eta hurbiltzen direnei txartel bat emango diegu kolorearekin”, azaldu du Manzisidorrek. Banaketa hori orekatua izango dela iragarri dute, eta behin bakoitzaren tokia egokituta, musikariek lagunduta abiatuko dira euren postuetara. Suziri batekin iragarriko dute ekitaldiaren beraren hasiera, eta Gogorzaren askatasuna aldarrikatzen duen bandera pasatuko dute eskuz esku. “Gaztañora iristean, Aitzolen etxean jarriko dugu bandera, eta beste suziri bat botako dugu bandera iritsi dela jakinarazteko”, argitu du Sanzek. Ordura arte bere tokietan geratzeko eskatu diete herritarrei, eta musikariekin bueltatuko dira abiapuntura. Han ekitaldi txiki bat egingo dute. Gainera, Gogorzaren askatasuna eskatzen duten banderak jarriko dituzte salgai. 400 eta 500 pertsona artean behar dituzte ibilbidea betetzeko, baina zenbat eta jende gehiago, “hobe”. Baikor dago Sanz: ”Abenduaren 31ko ekitaldira espero genuen baino jende gehiago hurbildu zen. Hainbeste jende elkartu zela ikusita, giza katea egiteko hautua egin genuen”. Bestalde, gaur, hileko azkeneko ostirala da, eta ohi bezala, elkarretaratzeak egingo dituzte herri guztietan arratsean. Gaur, bereziki, gaixotasun larriak dituzten presoen egoera salatuko dute egingo dituzten mobiliza

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.