Hibaikak eta San Juanek, Zumaiarekin ezin

Aurkari latza dute aurten San Juanen eta Hibaikaren emakumeen traineruek: Zumaia. Asteburu honetan ere zumaiarren atzetik ibili dira Oarsoaldeko bi traineruak.

Urko Etxebeste Petrirena

Errenteria-Orereta,Pasaia

2015/06/29

San Juan. Argazkia: Baleike.

Hirutik hiru. Zumaiako emakumeen traineruak Gipuzkoako Emakumeen Traineru Ligako hiru estropadak irabazi ditu, eta atzean, berriro, San Juan eta Hibaika izan ditu asteburuan. Atzo jokatu zen Zumaian bertan liga horretako hirugarren proba, eta ez alde handiarekin, baina gorrien esku gelditu zen Zumaiako Bandera. Erlojupeko proba izan zen atzokoa. Binaka atera ziren traineruak Zumaiako ibaian, ez itsaso zabalean. Hala, lehen ziabogan Zumaiak San Juanek eta Hibaikak denbora okerragoa egin bazuen, hori ez zen erreala, lehen zatia ibaiaren kontra egin zutelako zumaiarrek, eta alde Oarsoaldeko bi traineruek. Bigarren ziabogan jarri zituen denborak bere tokian Zumaiak, eta helmugan ikusi zen denbora erreala: Zumaiak 10:29; San Juanek 10:36, eta Hibaikak 10:38. Oiartzunek lehenengoz puntuak pilatzeko aukera izan zuen, eta ondo doazela erakutsi zuten urdinek, atzean hiru traineru utziz. Zumaiak, minutu bat baino gutxiagoko aldea atera zien Itsaslapurrei, beraz, ondo doaz. Emakumeen hurrengo bi estropadak uztailaren 11n eta 12an izango dira. Biak ala biak Gipuzkoako Emakumeen Ligarakoak dira, baita EuskoTren Ligarakoak ere: San Juanentzat, jada sailkatua dagoenez —iaz liga hori irabazi zuelako—, puntuak pilatzeko estropadak izango dira. Hibaikarentzat, EuskoTrenera sailkatzekoak, eta hala balitz, puntuak eskuratzekoak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Hibaikak eta San Juanek, Zumaiarekin ezin

Gipuzkoa

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten