Hirugarren izan da San Pedro Moañan, Kaiku eta Orio atzean utzita

San Juan hamargarren izan zen atzo, baina hirugarren San Xenson, herenegun

Moañako estropada

Moañako estropadan indar erakustaldia egin zuen San Pedrok

Ondo aritu dira traineru pasaitarrak asteburuan Galizian jokatu diren bi estropadatan. Sorpresarik handiena San Pedrok eman zuen atzo Moañan, hirugarren postuan sailkatuta, Kaiku eta Orioren aurretik. Estropada Urdaibaik irabazi zuen, eta Hondarribiko Ama Guadalupekoa bigarren helmugaratu zen 3 segundoko aldearekin. 10 segundo atera zizkion Urdaibaik San Pedrori. Orio bederatzigarren helmugaratu zen atzo, eta hamargarren postuan San Juan iritsi zen. San Juan, larunbatean hobeto Moañan baino hobeto San Xenxon egin zuen arraun Pasai Donibane Koxtapek. Hondarribiak irabazi zuen haizeak erabat baldintzatutako estropada. Bigarren tandan irten ziren traineruei lagungarri izan zitzaien haize aldaketa eta emaitzetan eragina nabarmena izan zen. Cabo izan zen bigarren, San Juan hirugarren eta laugarren Astillero. Orio, berriz, seigarren postuan helmugaratu zen eta zazpigarren izan zen San Pedro, Kaikuk eta Urdaibaik jarraituta. Hondarribia buruan, tarteak handituz Atzo Urdaibaik irabazi zion arren, Hondarribiari aldekoak izan zaizkio asteburuko emaitzak, bere kontrario batzuekiko aldea, Orio kasu, dezente handitu duelako. Oraingoz, Ama Guadalupekoak dira sailkapenean jaun eta jabe. Zortzi puntuko aldea du Hondarribiak Urdaibairekin –sailkapeneko bigarrena da Bou Bizkaia–. Larunbatean, etxean San Pedrorentzat oso lagungarri suerta daitezke atzoko emaitzak. Hirugarren postuan sailkatu izanak aukera emango dio datorren larunbatean berak antolatutako estropadan bigarren txandan arraun egiteko. 18:00etan jokatuko da larunbatean III. La Caixa Bandera, Pasaiako badian eta Sanpedrotarra Arraun Elkarteak antolatuta. Hona Haitz Ortizek Moañako estropadaren ondoren egindako adierazpenak.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.