Mitxelena euskaltzain oso izendatu zutenekoa gogoraraziko du San Inazioko kontzertuak
San Inazioko kontzertuan, bandaz gain, dantzariek, bertsolariek eta abesbatzek hartuko dute parte. Herriko Plazan izango da, eguraldia ateri badago.
Perez Gaztelu, Ayerdi, Mitxelena eta Collar
Partaide ugari
Elixabete Perez Gaztelu Mitxelenaren omenezko hainbat ekitaldien antolakuntzan hartu du parte —baita berari buruzko hainbat idazlan idatzi ere—, eta hizkuntzalaria eta musika bandaren arteko lotura egiteko zerbaiten bila ari zela, euskaltzain oso izendatu zuteneko Basarriren kronika aurkitu zuen. Bertan idatzi zuenez, dantzariak, bertsolariak eta musika bandak parte hartu zuten ekitaldi hartanm eta horren eszenifikazioa egingo dute. Horretarako, Easo Abesbatza —aurten 75 urte bete ditu—, Araotz abesbatza, Aitor Albistur bertsolaria, Jon Maya eta Nerea Vesga dantzariak gonbidatu ditu musika bandak. Herriko Plazan hasiko da emankizuna, 22:30ean. Emanaldia laguntzeko, argi jokoak egingo dituzte, Mitxelenaren argazkiak erakutsiko dituzte eta hitz batzuk ere uztartuko dituzte. Eguraldi txarra eginez gero, parrokian egingo dute kontzertua. Honakoa da Alain Ayerdiren gidaritzapean bandak joko duen errepertorioa:- Euskal festara (Jose Maria Usandizaga).
- Andre txarraren bentajak (Herri kanta. Moldaketa: Aitor Mitxelena). Bertsolari eta dantzariekin batera.
- Sorgineta Kontrapasa (Jose de Olaizola). Bertsolari eta dantzariekin batera.
- Redemption Song (Bob Marley). Bertsolari eta dantzariekin batera.
- A Igarondo (Torre Muskiz).
- Mendi-mendiyan (Jose Maria Usandizaga). Abesbatzekin.
- Maite (Pablo Sorozabal). Abesbatzekin.
- Chanton Piperri (Buenventura Zapirain). Abesbatzekin.
- Inaxio Deuna ereserkia.
