Etxe kaleratze zein energia pobreziaren gaineko aholku bulegoa martxan jartzea aztertzen ari da udala

Etxe kaleratze kasuetan, orain arte bezala jokatuko du udalak: prebentzioa, bitartekaritza eta babesa. Energia enpresekin bitartekaritza ere egin nahi dute.

Erik Gartzia Egaña

Errenteria-Orereta

2015/07/30

Etxe kaleratze baten kontrako mobilizazioa

Nagore Basurto Gizarte Zerbitzuetako zinegotziak jakinarazi duenez, Errenteriako Udala etxe kaleratze kasuen eta energia pobreziaren gaineko informazioa emango duen bulegoa martxan jartzea aztertzen ari da. Basurtok adierazi duenez, krisi ekonomikoaren luzatzeak hainbat kalte eragin dizkie herritarrei, hala nola, eroste ahalmena gutxitzea, enpleguaren prekario bihurtzea edo langabezia tasa igotzea. “Muturreko egoerara iritsi den jende asko dago Errenterian, eta ezin dituzten oinarrizko premiak asebete. Ezin dituzte ohiko etxebizitzak ordaindu, edo energia hornikuntza ordaindu”. Gogorarazi duenez, Gizarte Larrialdirako Laguntzak ugaritu dira azken urteetan. Udalak herritarrengandik hurbilen dauden erakundeak direla nabarmendu du Basurtok, eta horregatik, herritarren egoera “ondoen” ezagutzen dutenak. “Udalaren esparrutik ekiteko zailtasunak daude, baina Errenteriako Udalak pertsonen babeserako urratsak egiten jarraitu nahi du”, esan du. Ireki nahi duten bulegoak zerbitzu publiko izaera izango du, eta doakoa izatekoa. Kaleratzeen kasuan, udalak orain arteko bidea jarraituko duela iragarri du: “Prebentzioa landuko da, banketxeekin bitartekaritza egingo da, eta azkeneko urratsa etxe kaleratzeek eragin dioten pertsonak babestea izango da”. Energia pobreziari dagokionez, energia enpresekin bitartekaritza bideak urratzen saiatuko da udala, eta arrazoi ekonomikoengatik ordainketarik ez balego, argia eta gasa ez moztea eskatuko lukete. Zorrak ordaintzeko bideak moduak bilatuko lituzkete. Proposamena udal taldeekin eta eragile sozialekin eztabaidatuko dutela iragarri du Gizarte Zerbitzuetako zinegotziak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Etxe kaleratze zein energia pobreziaren gaineko aholku bulegoa martxan jartzea aztertzen ari da udala

Gipuzkoa

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostiako Egia auzoan atzo etxegabetu behar zuten familiari «Etxegintzako bizitoki bat» eskainiko diotela

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean

Luis Mari Goikoetxea hil da, Zumaiako Arraun Elkarteko presidente ohia

Minbiziaren Aurka Gipuzkoan elkarteak arreta «gizatiarragoa eta integralagoa» eskatu du bularreko minbizia dutenentzat

Greba mugagabea abiatu dute Asteasuko Siemens Gamesan

Kutxa Fundazioak joko interaktibo bat sortu du, Gipuzkoan egiten duen lana erakusteko

Bi pertsona atxilotu dituzte «terrorismo» delitu bat egotzita

Donostiako autobus geltokia moldatzeko proiektu bat aurkeztu du udalak

Gogora-ko zuzendariak dio Itxasok borondatea duela Martuteneko espetxean «memoria elementuren bat» uzteko

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan