Euskararen Egunaren harira euskarazko pintxo potea antolatu dute gazteek

Euskararen erabilera sustatu nahi dutela azaldu dute Lezoko Gazte Asanbladak eta Ernaik.

Txerrimuñon amaituko da pintxo poteoa eta bertan izango da kontzertua

Txerrimuñon amaituko da pintxo poteoa eta bertan izango da kontzertua

Euskararen Eguna ospatu nahi dute, eta horren harira pintxo potea antolatu dute ostiralerako Lezoko Gazte Asanbladak eta Ernaik. 19:00etan abiatuko da euskarazko pintxo pote  herrikoia, eta Lezotarra, Azkena, Orkidea, Urdaburu eta Txerrimuñotik pasako dira. Azken horretan kontzertu akustikoa izango da 21:30ean. Ekintzaren bidez euskararen erabilera sustatu nahi dutela azaldu dute antolatzaileek. Antolaketa lanetan, berriz AEK eta tabernarien laguntza izan dute Ernaik eta LGAk.  Pintxo potearen barruan potea hartzen duen bezeroak pegatina jasoko duela euskara batuan edo Lezoko hizkeran idatzitako hitz batekinere azaldu dute antolatzaileek: “Helburua da bakoitzak bere bikotea aurkitzea, aurkitzen duenak Txerrimuñon txupitoa musutruk izango du”. Pintxo poteoak irauten duen bitartean euskarazko musika izango da tabernetan.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.