Barrutiko ekoizle eta artisauak izango dira Donibaneko San Tomas azokako protagonista
Igande goizean egingo dute azoka Donibanen, Itsas Mendi elkarteak antolatuta. Txistorra eta taloez gain, egongo da zerekin gozatu.
Igandean, Itsas Mendi elkarteak antolatuta, ospatuko dute Donibanen San Tomas azoka. Ekitaldiz betetako goiza antolatu dute barrutian, 11:00etatik aurrera. Ordu horretan zabalduko dute, Santiago plazan, azoka, trikiti doinuek lagunduta. Konpota nola egiten den ere erakutsiko dute. Eguerditik ordu erdi pasata, Pasaia-Lezo Lizeoko haurrek kantaldia eskainiko dute.
13:00etan beste erakustaldi baten txanda izango da: sagardoa egingo dute. Ordubete beranduago hasiko da euskal produktuen zozketa. Tarte guzti horretan, ohi bezala, ez da txistorra ez talorik faltako. Gainera, ekoizle eta artisau sanjuandarrek euren jardunaren emaitzak erakutsiko dituzte. Honakoa da zerrenda:
- Joxan Kortadiren ogi eta gozoak.
- Maridomingiren eskulanak.
- Xatur Telletxearen makilak.
- Arantza Sistiagaren bolioak.
- Asun Puyen eskulanak.
- Aitor Zabalen eztia.
- Olatz Bravoren eztia.
- Joseba Campanoren egurrezko taillak.
- Puzkazarreta baserriko barazkiak.
- Alazneren euskal jantziak.
- Garaziren gozoak.
