Datorren asteburuan jokatuko dituzte final laurdenetako zortzi partida. Pasa den asteburuan beste hainbeste norgehiagoka jokatu dituzte.
Zutik, Zumeta, Antxordoki II, Zapirain epailea, Duarte eta Koka. Makurtuta, Muñoa, Ormazabal, Matias eta Aroztegi.
Euskal Herriko Pala Txapelketa Irekiko zortzi kanporaketa jokatu dituzte pasa den asteburuan, Madalensoron. Datorren asteburuan jokatuko dituzte final laurdenak, eta hurrengoan finalerdietako partida batzuk.
Pasa den asteburuko ia partida guztiak nahiko orekatuak izan ziren, eta izerdi asko bota behar izan zituzten palistek. Bigarren Mailan gelditzen zen Oiartzungo bikote bakarrak —Katalintxo eta Izoztegik osatutakoak— txapelketari agur esan zioten. Lehen Mailako partida bakarra jokatu zuten, eta hori oso orekatua izan zen. Bost tantoko aldeagatik eraman zuten partida Antxordoki II.ak eta Zumetak, ordu eta erdiko partidaren ondoren. Jokatutako final laurdenetako partida bakarra izan zen Lehen Mailakoa, eta gainontzekoak final zortzirenetakoak izan ziren. Honakoak dira norgehiagoken partiden emaitzak:
Lehen Maila
- Antxordoki II.a-Zumeta/Duarte-Koka: 25-20.
Bigarren Maila
- Landa-Olaizola/Arruti-Polo: 25-9.
- Matxain-Gametxo/Txoperena-Laborde: 22-25.
- Etxenike-Ibarra/Katalintxo-Izoztegi: 25-16.
- Rodriguez-Murgiondo/Barbulo-Aranjuelo: 20-25.
- Aroztegi-Matias/Ormazabal-Muñoa: 25-21.
Hirugarren Maila
- Beloki-Santamaria/Karrera-Otxoa: 25-19.
- Ferreiro-Goñi/Etxabe-Contreras: 20-25.