San Markoko aurrekontuen behin betiko onarpenari auzi errekurtsoa jartzea aztertuko dute. Gainera, aldundiaren DSBL laguntza kentzea kritikatuko du EH Bilduk bere mozioan.
Otsaileko ohiko plenoaren irudia.
Asteazken arratsaldean, 19:00etatik aurrera, egingo dute apirileko plenoa. Oiartzungo Udalbatza osatzen duten hamahiru zinegotziek zazpi puntu aztertuko dituzte. Horrela, Gipuzkoako Foru Aldundiak kentzea erabaki duen Diru Sarrerak Bermatzeko Laguntzak eta erabaki horri uko egiteko mozioa aurkeztu du EH Bilduk.
Hurrengo puntuan, San Marko Mankomunitatearen aurtengo aurrekontuaren behin betiko onarpenari administrazioarekiko auzi errekurtsoa jartzea proposatuko dute. Bestalde, Ugaldetxo auzoko baserri bat berritzeko emandako baimena bertan behera utzi eta zerga itzultzeko proposamena izango dute mahai gainean.
Aurreko urteetako ordainagiriak bertan behera uztea aztertuko dute. Gainontzeko hiru puntuak ohikoak izango dira.