Elkartasun kontzertua egingo dute Aski Da eta Odio taldeek

Bi taldeek sarreretatik lortzen duten diru guztia Eiderrentzat izango da, bere bizi kalitatea hobetzen lagunduko duen tratamendua ordaindu ahal izateko.

Ikerne Zarate Gartziarena

Errenteria-Orereta

2016/05/10

Odio taldea. Argazkilaria: Amaia Oca

Oreretako Odio eta Aski Da taldeek kontzertua egingo dute larunbatean Landare tabernan. Ez da ohikoa izango, elkartasun emanaldia izango delako. Bi taldeek sarreretatik lortzen duten diru guztia Eiderrentzat izango da, bere bizi kalitatea hobetzen lagunduko duen tratamendua ordaindu ahal izateko. Sei urteko haurra da Eider eta jaio eta bederatzi egunera bihotzeko arazo bat zela eta ebakuntza egin zioten. Ebakuntza horretan ordea, oxigenoz hornitzeko sistemaren arazo baten ondorioz burmuineko paralisia du. Giharretan zurruntasuna, orekan zailtasunak eta hanken mugikortasuna mugatua du ordutik Eiderrek. Therasuit Metodoa egiten ari da oreretar txikia orain. Madrileraino jaon behar du, eraginkorra eta garestia den terapia egitera (3.000 euro hilabetean), eta aurrerapen handiak lortu ditu horri esker. Tratamendu hori ordaintzera bideratuko dute larunbateko kontzertuko sarrerekin bildutako diru guztia, Eiderri bizitza eramangarriago egitera. Sei euro balio ditu kontzertuak eta 22:00etan hasiko da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Elkartasun kontzertua egingo dute Aski Da eta Odio taldeek

Gipuzkoa

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik