[Argazki Galeria] Lezoarrak izan dira dantzaririk onenak

Mikel Esnaola A sailean eta IKer Belintxon B sailean lezoarrak izan dira Gazte Mailako Gipuzkoako aurreskulari txapelketaren irabazleak.

Ikerne Zarate Gartziarena

Errenteria-Orereta,Lezo

2016/05/23

XXX. Gazte Mailako Gipuzkoako Aurreskulari Txapelketa

Mikel Esnaola, A sailean, eta Iker Belintxon, B sailean, lezoarrak izan dira Gazte Mailako Gipuzkoako Aurreskulari Txapelketaren irabazleak. Larunbat arratsaldean jokatu zuten txapelketa Erein elkarteak antolatuta Niessen kulturgunean. Bertara, ligan sailkatutako onenak heldu dira. Larunbateko saioan “maila polita” erakutsi zutela dantzariek esan du Gipuzkoako Dantzarien Biltzarrak. Dantza munduan “gauzak ongi egiten” ari direla zehaztu dute gainera, eta etorkizun polita aurreikusi daitekela erantsi dute. Liga hainbat herritan jokatu da aurten eta bertako txapeldunak Mattin Etxebeste oiartzuarra eta Iker Belintxon lezoarra izan ziren. Belintxonek larunbat honetan eskuratu du txapela berriz ere, eta Etxebeste, bigarren sailkatu da txapelketako A sailean. 24 dantzarik hartu dute parte txapelketan bi sailetan A taldean 7 eta 11 urte artekoak aritu dira, eta B taldean, berriz, 12 eta 15 urte artekoak eta Baiona, Lezo, Azkoitia, Elgoibar, Etxarri Aranaz, Altsasu, Ibarra, Donostia, Ziordia, Billabona, Hernani eta Oiartzundik heldu dira. Lezoarrek maila ona eman dute txapelketan, bi sailetako txapeldunak lezoarrak dira, baina horretaz gain beste bi lezoar sailkatu dira bi mailetako hiru onenen artean. Sailkapena A Maila (7-11 urte)

Mikel Esnaola (Lezo)
Mattin Etxebeste (Oiartzun)
Ugaitz Rivera (Lezo)

B Maila (12-15 urte)

Iker Belintxon (Lezo)
Ander Garcia (Donostia)
Danel Serrano (Lezo)

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.