Gimnastika erritmikoa eta hip-hopa, ikasturtea bukatzeko

Tximeleta gimnastika taldeak ikasturte bukaerako festa egingo du ekainaren 22an.

Tximeleta

Tximeleta gimnastika taldeko taldeak, aurreko erakustaldi batean.

Ikasturtea hurbil dago, eta horregatik, Tximeleta gimnastika taldea urte bukaerako jaialdia prestatzen hasi da. Ekainaren 22an izango da jaialdia, Elorsoro kiroldegian, 16:45etik aurrera. Ez da nolanahiko jaia izango: bost eta 25 urte arteko 130 haur eta gaztek hartuko dute parte. Hip-hop eta gimnastika erritmikoko ikuskizuna eskainiko dute Tximeletako kideek. Urte osoan prestatzen aritu direnaren ondoren, sorpresa berezi bat egongo dela jakinarazi dute gimnastika taldeko arduradunek. Ohi bezala, sarrera doan izango da.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.