Herriko haur eta gazteek 'Euskaraz bizi nahi dut' lasterketak egingo dituzte hainbat adinetako haurrek, beste ekitaldiekin batera.
Aurten ere haur, gaztetxo eta guraso ugari bilduko dira gaur.
Euskararen Gizarte Kontseiluak proposatuta,
Euskaraz bizi nahi dut lasterketa egingo dute Oiartzunen zein beste hainbat udalerrietan. Ttur-tturrek hartu du herrian antolatzeko erantzukizuna, eta “euskaraz bizitzeko harrotasuna” korrika adierazteko aukera egongo da, gaur.
Haur eta gaztetxoek hartuko dute parte lasterketan. Lasterketa ez da lehiakorra izango, kirola eginez ongi pasatzea baizik.
Euskaraz bizi nahi dut leloa duten kamisetak egongo dira salgai Done Eztebe plazan, hamar euroren truke. Hori jantzita eramaten ez dutenei kamiseta beltza eramateko eskatu diete.
Lasterkariek adinaren arabera korri egingo dute. Ordu ezberdinetan irtengo dira herriko plaza nagusitik. Honakoa da arratsaldeko egitarau osoa:
- 17:00etan: 0 eta zortzi urte bitarteko haurren lasterketa.
- 17:15ean: Zortzi eta hamabi urte bitarteko haurren lasterketa.
- 17:30ean: Hamabi eta hamasei urte bitarteko lasterketa.
- 17:30ean: Haurrentzako jolasak, Kontsejupe plazan.
- 18:00etan: Euskaraz bizi nahi dut muralaren margoketa.
- 18:30ean: Txokolate jatea.
