Arditurriko etxe okupatuaren 30. urteurrena ospatuko dute igandean. Hitzaldiak, bazkaria eta kontzertuak egingo dituzte.
![arditurriko etxe okupatua](http://oarsoaldea.hitza.eus/site/files/2016/06/arditurriko-etxe-okupatu.jpg)
Arditurriko Errepublika berriaren egoitza nagusia.
Arditurriko meategietako etxea okupatu zutela aurten bete dira 30 urte. Urtemuga horri lotuta, Arditurriko Errepublika Askea aldarrikatuko dute datorren igandean. 10:00etan jarri dute zita, Arditurrin bertan, eta ordubete beranduago hasiko da independentzia aldarrikapena.
Aldarrikapenaren eskuizkribua prest dute, eta Javier Olaizolak aldarrikapen hori ospatzen duen monolitoa zizelkatu du.
12:00etan, berriz, nazioarteko konferentzia izenekoa egingo dute, eta hainbat herriren askapen borroken testigantzak azalduko dituzte bertan. Kurdistango Newroz taldeko Maryam, Hassana Aaliya sahararra, Jordi Marti Tarragonako CUPeko zinegotzia eta Alpi Libereko kide bat izango dira hizlariak. Euren herrien egoeraren berri eman ondoren, bazkaria egingo dute.
Bazkariaren ondoren, 17:30ean, kontzertua egingo dute Vomito+Inox eta Las Tuerkas taldeekin.