[Argazki galeria] Lezo Herri Eskolak baditu bertsolari trebeak

Bertsotan urduri baina gustura aritu dira talde guztiak, tartean, astronautak, agure eta atsoak, txapuzeroak, txakurrak, martetarrak...

Ikerne Zarate Gartziarena

Lezo

2016/06/02

Bertsotan fin aritu dira Lezo Herri Eskolako ikasleak

Lezo Herri Eskolako LH4 eta LH5 mailetako ikasleek emanaldia eskaini dute gaur arratsaldean Bekoerrota kiroldegian. Gu ere bertsotan programaren barruan aritu dira ikasturtean eta ikasitakoa plazara ez, baina kiroldegiaren agertokira atera dute. Ander Lizarralde izan dute gidari ikasturtean, eta emaitza ikusita lan bikaina egin du ikasleekin. Bertsotan urduri baina gustura aritu dira talde guztiak, tartean, astronautak, agure eta atsoak, txapuzeroak, txakurrak, martetarrak… Denak bat eginda igerilekuan hobekuntzak eskatzeko, batzuk, “txar eta garesti” saltzeko besteak, eta udaltzaingoa lanez lepo betetzeko azkenak. Gaiari heldu eta taldeka bertsoa osatu behar izan dute. Urduri baziren ere, fin aritu dira denak eta txaloak izan dituzte sari.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.