Ikasturte bukaerako audizioak aste honetan hasiko dira

Audizioak egingo dituzte Tomas Garbizu musika eskolako kideek ikasturtean ikasi dutena jendartera zabaltzeko. Asteazkenean hasi eta hilaren 18an bukatuko dira.

Urko Etxebeste Petrirena

Lezo

2016/06/06

Asteazkenetik hilaren 18ra luzatuko dira kontzertuak

Tomas Garbizu Lezoko Udaleko Musika Eskolako ikasleek, ikasturtean ikasitakoa herritarrei eskainiko diete. Horretarako audizioak prestatu ditu musika eskolak. Aste honetan, asteazkenean zehazki, hasiko dira, eta hilaren 18ra arte luzatuko dira. Azken egun horretan kontzertu berezia egingo dute Gezalan Yannis Constans Trio taldeko kideek. Honakoa da, egunez egun, egitaraua: Hilak 8, asteazkena

18:00etan, Gezala Auditoriumean, musika eta mugimenduko ikasleen saioa.

Hilak 10, ostirala

11:00etan, Gezala Auditoriumean, Ezetz asmatu izenburupean musika eskolako ikasleen kontzertu pedagogikoa.
17:00etan, Gezala Auditoriumean, gitarrako ikasleen saioa.

Hilak 13, astelehena

17:00etan, Gezala Auditoriumean, flautako eta tronpetako ikasleen kontzertu-audizioa.

Hilak 14, asteartea

19:00etan, Gezala Auditoriumean, txistuko eta akordeoiko ikasleen kontzertu-audizioa.

Hilak 15, asteazkena

17:00etan, Gezalan, pianoko ikasleen kontzertu-audizioa.
17:00etan, musika eskolan, saxofoiko ikasleen kontzertu-audizioa.
19:00etan, Gezalan, perkusioko ikasleen kontzertu-audizioa.

Hilak 16, osteguna

18:30ean, Gezalan, trikitixako ikasleen kontzertu-audizioa.

Hilak 17, ostirala

17:00etan, musika eskolan, klarineteko ikasleen kontzertu-audizioa.
17:30ean, Gezalan, biolin, biolontxeloko ikasleen kontzertu-audizioa, baita hari orkestrarena ere.

Hilak 18, larunbata

20:00etan, Gezalan, Yannis Constans Trio taldearen kontzertua (8 euro).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.