Helduen artean ere, bizikletaren erabilera sustatu nahi dute

Hemezortzi urtetik gorakoei begira, bizikletan ibiltzen ikasteko ikastaroa antolatu dute udalak, Gurpilartean elkarteak eta foru aldundiak.

Ikerne Zarate Gartziarena

Errenteria-Orereta

2016/06/09

Erzibengoa, Txasko eta Garmendia gaurko agerraldian.

Helduek bizikleta erabiltzea nahi dute, aisialdian eta baita garraio gisa ere, eta horren harira iniziatiba aurkeztu dute gaur Kirol zinegotzia Jon Txaskok, Mugikortasun diputatua Marisol Garmendiak eta Errenteria-Oreretako Gurpilartea elkarteko Jexux Mari Erzibengoak. Hemezortzi urtetik gorakoei begira, bizikletan ibiltzen ikasteko ikastaroa antolatu dute. Garmendiak esan duenez, “lehenengo aldia da halako ekimen bat antolatzen duela foru aldundiak. Bizikletaren erabilera eta kultura ahalik eta jende gehienenera zabaltzeko antolatu dugu”. Ikastaroa egitea Gipuzkoako Bizikletaren Kontseiluan adostu zen eta Errenteria-Orereta izango da hartuko duen Gipuzkoako lehen udalerria. Bizikleta “garraiobide atsegina, osasuntsua eta ingurumena errespetatzen” duela gaineratu du Garmendiak. Gurpilartean elkarteak emango du ordu eta erdiko lau saioz osatutako ikastaroa. Hilaren 17an, 18an, 24an eta 25ea izango dira saioak Txaskok jakinarazi duenez, 17:00etatik 18:30era lehenengo taldeak, eta 19:00etatik 20:30era bigarrenak, ostiraletan. Larunbatetan, 10:00etatik 11:30era egingo ditu ikastaroak lehenengo taldeak, eta 12:00etatik 13:30era bigarrenak. Bi talde osatu nahi dituzte iniziatibaren barruan. Horretarako, gutxienez zortzi lagunek eman beharko dute izena taldeko, eta 15 gehienez. Plazak mugatuak izango direnez, Fanderia eta Galtzarabordako kiroldegietako harreretan izena ematen duten lehenengo 30 lagunek hartuko dute parte ikastaroetan. Amaituta, gainera, diploma jasoko dute parte hartzaileek. Ikastaroetan teoria eta praktika landuko dutela esan du Txaskok: ” bizikleta gainean ibiltzen ikasteaz gain, bizikleten funtzionamendua eta oinarrizko mantentze lanak, segurtasun elementuak eta gomendioak, maila bakoitzari egokitutako ibilbideak eta Oarsoaldean diren puntu ilunak ikasiko dituzte”. Parte hartzaileek kaskoa eta bizikleta eraman beharko dituzte, “baina ez dutenen kasuan Gurpilartean elkarteak utziko dizkie”. Txaskok, Garmendiak eta Erzibengoak herritar guztiak animatu dituzte ikastaroetan izena eman, “beldurrak alde batera utzi” eta bizikleta erabiltzera egunerokoan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Helduen artean ere, bizikletaren erabilera sustatu nahi dute

Gipuzkoa

Donostia Eskuzaitzetako industria parkearekin lotzeko autobus linea abiaraziko dute

Elgeako mendilerroan piztu den sutea kontrolpean dago jada

Gaur hasi dituzte Azpeitiko Corrugados lantegia eraisteko lanak

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez