Oarsoaldean, Elkarrekin Ahal Dugu irabazle Errenterian, Pasaian eta Lezon. Baina abenduaren 20ko emaitzak, abstentzioaren handitzearen indizea kenduta, oso-oso antzekoak.

Oiartzunen, botoa ematen.
Abenduaren 20ko hauteskundeen argazkia ez da aldatu Oarsoaldean. Pasaian, Errenteria-Oreretan eta Lezon Elkarrekin Ahal Dugu-k irabazi du gaur, Espainiako Gorteetarako duela sei hilabeteko hauteskundeetan egin bezala. Oiartzunen, berriz, EH Bilduk errepikatu egin du lehen indar bezala.
Analisirako: Oarsoaldeko abstentzioa %5 ingurukoa izan da herri guztietan. Ondorioz, herri guztietan alderdi guztiek botoetan behera egin dute. Eta gainera, abstentzioak abstentzio, alderdi nagusi guztiek, herri guztietan, postu berbera lortu dute. Ez da aldaketarik izan posizionamenduetan.
Finean, abenduko eta ekaineko panorama, oso-oso antzekoa izan da Oarsoaldean.
Jarraian, herri bakoitzaren gainean klikatuz gero, emaitzak ikus daitezke.