Koplak kantari atera da kalez kale, ohi bezala, Saltseroen konpartsa.
Pasaia Kirol Elkartearen 75. urteurrenari aitortza egin die aurten Saltseroen Konpartsak, Saltsero Nagusi izendapena klub zuri-gorriari emanez. Kalez kale kantari koplaka ari dira gaur eguerditik, ohi bezala, kritikak eta txaloak, denetarik banatuz. Txalotutakoen artean, Ibiondo pilotalekuko lanak etdota Luzuriagako aparkalekuarenak; kritikatuen artean, berriz, Biteri plazako utzikeria. Horrez gain, herritarrei aitortza; Pasaia Kirol Elkarteari ez ezik, Areto Futbol taldeari zein herriko gazteriari zuzendu dira aurten Saltseroak.