Heldu berri diren haurrentzako Euskal Txokoa martxan da
Markolako ludotekan egiten ari dira euskal txokoa eta hamahiru jatorri kultural ezberdinetako 41 haur ari dira parte hartzen.
Errenteria-Oreretara iritsi berri diren haurrei begirako udako udalekua astelehenean jarri zuen martxan udalak. Markolako ludotekan egiten ari dira euskal txokoa eta hamahiru jatorri kultural ezberdinetako 41 haur ari dira parte hartzen.
Aisiaren bidez, euskarara hurbiltzeko ahalegina egiten dute parte hartzen ari diren 6 eta 12 urte arteko haurrek 10:00etatik 13:00etara Udaleko Hizkuntza Politika sailetik sustatutako iniziatibaren bidez. Hilabeteko iraupena izango du, eta besteak beste, jolasak, abestiak, txangoak eta inguruaren ezagutza landuko dute 5 hezitzailerekin.
