Añarbeko erreserba eremua, Aizpitarteko haitzuloetako aztarnak, Lau haizeta parkea eta Txoritokietan egiten ari diren indusketa lanetara bisita gidatuak antolatu ditu udalak udari begira.
An?arbe da bisitarako aukeratu duten guneetako bat.
Añarbeko erreserba eremua, Aizpitarteko haitzuloetako aztarnak, Lau haizeta parkea eta Txoritokietan egiten ari diren indusketa lanetara bisita gidatuak antolatu ditu udalak udari begira. Helburua ondare naturala, bioaniztasuna eta paisaiari buruz ikastea dute bisita horiek. Larunbat eta igandetan egingo dituzte bisita horiek 10:00tan hasita, euskaraz eta gaztelaniaz baina frantsesez egin nahi duenik bada, horretarako aukera ere emango dute.
Añarbekoa izango da bisitarik luzeena. Lau orduko ibilbidea egindo dute paraje zoragarrietan barrena, bertako pago eta urmaelak ikusteko, besteak beste. Aizbitartekoa, ordu eta erdiko ibilbidea izango da eta arbasoen ondarea bertatik bertara ikusteko aukera izango dute parte hartzen dutenek. Lau Haizetakoa, hiru orduko ibilbidea izango da, eta paisaiaz gozatzeaz gain inguruan diren hainbat monolito ikusteko aukera eskainiko du. Txoritokietakoa da udalak eskainiko duen hirugarren bisita gidatua natura ondarea hurbiletik ezagutzeko. Indusketa lanak egiten ari dira bertan, eta haiek bisitatzeko aukera izango da uztailaren 11tik 16ra bitartean. Ordubeteko bisitaldia izango da azken hori.
Bisita gidatuek 2 euro balio dute helduentzat eta euro bat gazteentzat (16 urte arte) eta taldeak gehienez 15 pertsonakoak izango dira.
Bisita egiteko, berriz, Errenteriako Turismo Bulegoan eman beharko dute izena interesdunek. Zabalik dago, egunero, 9:00etatik 14:00etara eta 16:00etatik 19:00etara.
Bisiten gaineko informazio gehiago, berriz,
udalaren webgunean eskura daiteke.