Haurrena, musikazaleena eta eskuzko pasakarena izan da Xanisteban Eguneko goiza

Xanisteban Eguna da gaur, egun handia herrian. Goizeko ekitaldien ondoren, atsedena hartuko dute, arratsaldekoen zain.

2016/08/03

Xexenekin trebe ibili dira haur eta gaztetxo… batzuk.

Atzoko parrandaren arrasto (ia) guztiak desagertuta, eguzkia xanistebanetako egun handian aurkeztu da. Goizean goiz sokamuturra egin dute Beheko Plazan, eta 11:30ean, toki berean, haurrentzako jolasak egon dira animaliekin. Ohi bezala, Lartaun txistulari taldeak goiz eresia egin du kaskoko kaleetan, eta meza nagusiaren ondoren, Kontzejupean egindako 33. txistularien kontzertu herrikoian entzun ahal izan dira musika instrumentu beraren doinuak. Lekukoa hartu diote eskuzko pasakako pilotariek, Gipuzkoako Txapelketako II. ekitaldiko finalak jokatzeko. Arratsaldean, kirola izango da protagonista. 16:30ean auzoen arteko sokatira txapelketa egingo dute Madalensoron, eta ordu erdi beranduago, aire zabalean dagoen pilotalekuan, plaza libreko pilota partidak jokatuko dituzte. Herri krosen txanda izango da segidan: 17:30ean irtengo da haurrena, eta 18:00etan helduena. Ekitaldiak, baina, ez dira hor bukatuko. Horiek guztiak ikusteko, begiratu egitaraua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.