Erosketak euskaraz egiten dituztenen artean erosketa baleak banatuko dituzte

Hemezortzi mertzeria eta arropa dendetan egiten ari dira kanpaina. Denda bakoitzari egun bat egokituko zaio, eta hiruna bale banatuko dituzte.

Erik Gartzia Egaña

Oiartzun

2016/09/21

Oiartzunen hemezortzi dira kanpainarekin bat egin duten establezimenduak.

Euskaraz dotoreago kanpaina fase berri batean sartu da. Horrela, uda hasieran Oiartzungo zein Oarsoaldeko gainontzeko udalerrietan poltsak banatu zituzten, eta deskontu baleak izango dira banatuko dituztenak, gaurtik hasi eta urriaren 21era arte. Denda bakoitzak hamar euroko hiru bale izango ditu, eta banatzeko egun bat egokituko zaie. Horrela, erosketa euskaraz egiten duten lehenengoei emango diete. Bezeroak, berez, ez du jakingo balea deskontua izango duen ala ez, ordaintzera joaten den arte. Horrela, euskaraz naturalki aritzea sarituko dute. Honakoak dira parte hartzen duten Euskaraz dotoreago kanpainan parte hartzen ari diren establezimenduak:

Alcampoko jantzien atala.
Azkar Kirolak (Arraskularre kalea).
Azkar Kirolak (Beheko plaza).
Baobab.
Begoña Zalakain.
Carrefourreko jantzien atala.
El Paso.
Intersport Extreme.
Kinkila.
Lurdes arropa denda.
Mas por menos.
Oiartzung running shop.
Oiartzun Zone.
Orratz.
Oskarbi.
Pukas Outlet.
Sock Factory.
Zumitz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.