Oiartzungo hemezortzi arropa dendak eta mertzeriak bat egin dute 'Euskaraz dotoreago' kanpainarekin. 30na poltsa banatuko dituzte.
Dendako ‘Euskaraz dotoreago’ leloa daramaten 30na poltsa banatuko dituzte.
Urtero Oarsoaldeko lau udalek merkataritzan eta komertzioetan euskara sustatzeko kanpaina jartzen dute abian. Aurten mertzerien eta arropa denden txanda da.
Maiatzean aurkeztu zuten kanpaina,
Euskaraz dotoreago lelopean, eta ekainean hasi dira komertzioak lehen jarduera egiten.
Eskualde guztian 90 dira bat egin duten establezimenduak. Horietan guztietan
Euskaraz dotoreago leloa idatzita daramaten 30na poltsa banatu dituzte, bezeroek euskararekiko eta dendarekiko duten jarrera saritze aldera.
Oiartzunen Ttur-ttur da, udalaren babesarekin, kanpaina aurrera eramateko ardura duena. Euskara arropa denda zein mertzerietako ohiko hizkuntza izatea nahi dute eta, horretarako, herritarrak euskaraz eskatzea eta erostea animatu dituzte. Honakoak dira
Euskaraz dotoreago kanpainarekin bat egin dute Oiartzungo hemezortzi establezimenduak:
- Alcampoko jantzien atala.
- Azkar Kirolak (Arraskularre kalea).
- Azkar Kirolak (Beheko plaza).
- Baobab.
- Begoña Zalakain.
- Carrefourreko jantzien atala.
- El Paso.
- Intersport Extreme.
- Kinkila.
- Lurdes arropa denda.
- Mas por menos.
- Oiartzung running shop.
- Oiartzun Zone.
- Orratz.
- Oskarbi.
- Pukas Outlet.
- Sock Factory.
- Zumitz.
