3-0 galtzen joan arren, azkeneko minutuan sartutako penalti bati esker berdintzea lortu zuen Oiartzunek. Gainontzeko futbol taldeek puntuatzea lortu zuten.
Etxekoek lehen zatiaren bukaeran jokatu zituzten minutu onenak (Argazkiak: eldorsal.com)
Oiartzunek ligako hirugarren puntua lortu zuten laugarren jardunaldian. Norgehiagoka zoroa jokatu zuten oiartzuarrek eta Tacuenseko kanariarrek. Etxekoek hartu zuten jokoaren gidaritza lehen minutuetan, baina hemezortzigarren minuturako oiartzuarrek lortu zuten Tenerifekoen atera hurbildu eta aukerak sortzea. Jokoaren kontrola partekatu zuten bi taldeek.
Hala ere, 29. minutuan etxekoek aurreratzea lortu zuten, Reichelen bitartez. Baloiaren jabetza eskuratu zuten etxekoek, eta sei minutu beranduago bigarren gola sartu zuen Andreak. Itxura txarra zuen partidak, bi minutu eskas pasatuta —berriro Andreak— sartu baitzuen hirugarrena. Aldageletara joan baino lehenago Eguzkiñe Peñak aldea murriztea lortu zuen.
Bi penalti bigarren zatian
Bigarren golaren bila atera zen Oiartzun, baina etxekoek sendo babestu zuten euren atzealdea. Bigarren zatiko bigarren minutuan, baina, Carolek berari egindako penalti bat sareetara bidali zuen.
Gari Argoteren jokalariek kanariarrei bukaeraraino sufriarazi zieten, jokoaren kontrola hartuta. Horrelako kasuetan ohikoa den moduan, denbora galtzen hasi ziren markagailuan aurretik zeudenak. Eta hori gertatzen den askotan bezala, partidaren bukaeran ordaindu zuten. Bigarren zatiaren luzapenean Andreak partidako bigarren penaltia egin zuen. Arranzek hartu zuen jaurtiketa egin eta berdinketa lortzeko ardura.
Puntu polita lortu zuen Oiartzunek, eta datorren igandean Betis aurten igo den taldea jasoko dute Karla Lekuonan. Aurkari egokia izango da lehen garaipena lortzeko.
Oiartzungo taldeen emaitzak honakoak izan ziren:
Futbola
Emakumeen Lehenengo Maila
Gizonen Erregional Ohorezko Maila
Emakumeen Euskal Liga
Gizonen Lehen Erregionala
- Oiartzun B-Gure Txokoa: 1-0.
ARETO FUTBOLA
Gizonen Hirugarren Maila
Gipuzkoako Lehen Maila
- Power Rangers-Hirukide Escolapios: 3-7.
Gipuzkoako Bigarren Maila
- Miren Taberna-Makax 25 urte: 2-4
SASKIBALOIA
Gizonen Gipuzkoako Lehen Maila
- Mondragon Unibertsitea-Saskilagunak: 59-28.
