Hainbat baldintza betez gero, datorren urteko bonoa ordaintzeko aukera izango dute kiroldegiaren bazkide diren oiartzuarrek.

Elorsoro kiroldegia.
Elorsoro kiroldegiaren datorren urteko bonoa ordaintzeko diru laguntzak emango ditu Oiartzungo Udalak. Gaur hasi da laguntza horiek eskatzeko epea eta azaroaren 11ra arte egongo da zabalik.
Hainbat baldintza bete beharko dira laguntza jasotzeko. Oiartzunen erroldatuta egon behar da eta udalarekin zor ekonomikorik ez da izan behar. Horrez gain, %33ko ezintasunen bat edota baldintza ekonomiko bereziak dituztenek jaso ditzakete laguntza hori (baremo batzuk gainditzen ez dituztenek, edo Diru Sarrerak Bermatzeko Errenta, Larrialdietarako laguntza edo Kotizatu Gabeko Pentsioen Onuradun badira). Baldintza guztiak
hemen ikus daitezke.
Eskaera orria bete eta dagokion agiri justifikagarriekin aurkeztu beharko da.