Nagusi izan dira Hibaikako emakumeak Kanaria Uharteetan asteburuan.
Hibaikako Kadete neskek Caleta de Fusteko estropada irabazi dute.
Fuerteventurako Caleta de Fusten (Kanaria Uharteak) izan da Hibaikako neska kadeteen batela, eta bandera eskutan itzuli dira Errenteria-Oreretara estropada irabazita. Caleta de Fusteko bosgarren bandera jokatu zuten eta bertan, Fuerteventura, Katalunia eta Gipuzkoako zortzi batelek hartu zuten parte. Larunbata eta igandean jokatutako estropadan errenteriarrak izan dira nagusi.
Pozik azaldu da Gorka Barbado entrenatzailea, “esperientzia oso aberasgarria izan da, beste taldeetako kideekin izan gara, eta arraun egiteko beste moduak ikusi ditugu”. Irabazi badute ere, ez dela hori garrantzitsua, bertan bizi duten esperientzia baino, gaineratu du Barbadok.