Astelehenean, tren berdeak Pagoaldea eta Arditurri lotuko ditu. Asteartean, ibilaldia egingo dute meategi ingurua ezagutzeko.
Arditurriko meategiak
Hilaren 31 eta azaroaren 1a jai egunak izango dira askorentzat. Horrela, Arditurriko meategiak ezagutzeko aukera eskainiko dute egun horietan.
Astelehenean, tren berdeak zerbitzua eskainiko die meategiak bisitatzeko erreserba egin dutenei. Pagoaldea industriagunetik abiatuko da, eta bisita orduaren arabera hartu beharko da trena:
- 10:00etatik 10:20era: sakoneko bisita 10:30ean edo oinarrizkoa 10:45ean dutenak. Itzulera, 11:30etik 11:50era.
- 11:00etatik 11:20era: sakoneko bisita 11:30ean edo oinarrizkoa 11:45ean dutenak. Itzulera, 12:30etik 12:50era.
- 12:00etatik 12:20era: sakoneko bisita 12:30ean edo oinarrizkoa 12:45ean dutenak. Itzulera, 13:30etik 13:50era.
Trenak eta oinarrizko bisitak bost euro balioko ditu —bost urtetik beherako haurrentzako hiru euro izango dira—. Sakonekoak gehi trenak zazpi euro balioko dute.
Azaroaren 1ean, ibilaldia
Asteartean, berriz, meatze inguruak ezagutzeko ibilaldi txiki bat egingo dute. 10:00etan geratu dira, eta meatzaritza eremu guztia erakutsiko dutela adierazi dute: zabortegiak, burdinola, meategiak, labea… Meategirako sarrerarekin batera egingo dute hori.
Erreserba egiteko, telefonoz deitu (943 49 45 21 edo 943 49 50 49) edo mezu elektroniko bat bidali beharko dira. Antolatzaileek adierazi dutenez,
