Liburutegiaren eskaintza bost liburu markagailutan bildu dute

Liburutegiaren eskaintza osoa zabaldu eta erabiltzaileen eskura jarri nahi dute euskarrien bidez.

2016/10/26

Lopez Etxezarreta, Pascual eta Goddy liburu markagailuak eta triptikoak aurkezten.

Liburutegiaren presentzia areagotu egin nahi dute eta indartu, eta horri begira antolatzen dituen ekintza guztiak bost liburu markagailu eta bi triptikoetan bildu dituzte. Horren aurkezpena egin dute gaur Garazi Lopez Etxezarreta zinegotziak, Mari Jose Pascual Udal Liburutegiko zuzendariak eta Samira Goddy Kultur Aniztasuneko, Garapeneko lankidetza eta Giza eskubideen azpiataleko teknikariak. Lehenengo markagailuan, liburutegien eskaintza bildu dute irakurketa klubak bildu dituzte, bisita gidatuak, erabiltzaileen prestakuntza eta bestelakoen gaineko informazioa. Haurrei begirako irakurketa klubak bildu dituzte bigarren eta hirugarren liburu markagailuetan. Haurren artean irakurketaren zaletasuna bultzatzea du helburu programa horrek eta Bizarain Ikastolaren liburutegian zein Xenpelar Etxeko Haurren liburutegian antolatuko dituzte. Galtzagorri elkarteko Lur Korta kontalariak gidatuko du kluba, eta bi talde izango dira, 3-5 urte arteko haurrei begirakoa eta 6-8 urte arteko haurrei begirakoa. Saioak euskaraz eta elebitan egiten dituzte, eta bertan parte hartzeko derrigorrezkoa da izena eman eta heldu batekin lagunduta joatea. Irakurketa Partekatua, berrikuntza Irakurtzeko grina elkarbanatzeaz, irudi propioak sortu eta izaki sortzaile izaten lagunduko die Irene Sotelok 9-11 urte arteko haurrei, aurten berrikuntza den Irakurketa Partekatua programaren barruan. Gaur bertan izango du saioa eta Charlie eta Txokolate-Lantegia liburua izango dute hizpide 17:3etik aurrera. Euskara eta elebitan egingo dituzte saioak. Helduei begirako Literatur Solasaldien gaineko informazioa bildu dute bosgarren markagailuan, eta Hitz Argia programaren informazioa bildu dute azken markagailuan. Irakurketa errazeko taldea da azken hori eta parte hartzaileek helduen liburutegian edo EPA zentroan eman behar dute izena. Xenpelar Etxean egingo dituzte saioak eta hamarreko lantaldetan bilduta bost saioetan zehar liburu bat irakurriko dute dinamizatzaile baten laguntzarekin. EPA eta Udal Kultur Aniztasuneko, Garapeneko lankidetza eta Giza eskubideen azpiatalak jarri dute martxan. Liburutegien ekintza eskaintza zaaltzeko euskarriak bi triptikoekin osatu dituzte, Haur eta Gazte liburutegiaren eskaintza bildu dute batean, eta helduena bestean: “Bibliotekari buruzko informazioa jaso dugu bertan, helbideak, telefono zenbakiak, liburutegiaren arauak…”. Teknologia berrien aldeko apustua egin duela liburutegiak esan dute azkenik. Horren harira, WhatsApp Web zerbitzua ezarri dute hala erabakitzen duten erabiltzaileekin harremanetan izateko. Azaroa hasieran eskatutako erreserbak eta LAM liburutegien arteko mailegu abisuak whatsappen bidez bidaliko dizkiei erabiltzaileei liburutegiak. Erregistro horretan sartzeko, izen abizenak eta nortasun agiriaren zenbakia bidali beharko dute interesdunek 647 67 34 51 telefono zenbakira whatsappez.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Liburutegiaren eskaintza bost liburu markagailutan bildu dute

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik