Txost 1ek ezin izan du Realaren kontra

Trinketeko Gipuzkoako Txapelketako larruzko paletako finalean 40-18 gailendu dira donostiarrak. Enrike Abrileko finalerdiak igandean jokatuko dituzte.

Erik Gartzia Egaña

Oiartzun

2016/10/26

Txosteko bi taldek hartu dute parte Enrike Abril Txapelketan. Argazkia: Txost

Enrike Abril Txapelketan parte hartu duen Txosteko taldea. Argazkia: Txost

Igandean jokatu zuten Donostiako Gaska trinketean Kluben Arteko Gipuzkoako Txapelketako larruzko paletako finala. Txost taldeko Mutuberria eta Azpirozek ezin izan zuten Realeko Agirre-Oiartzabal bikotea gainditu. Donostiarrek 40-18 irabazi zuten. Bestalde, egun berean jokatzekoak ziren Enrike Abril errebote txapelketako finalerdiak, Zubietan eta Oiartzunen, baina euriagatik bertan behera geratu ziren. Zubietan etxeko taldea eta Endaiarrak ariko dira nor baino nor, eta Oiartzungo Madalensoron, berriz, Luzean eta Noizbait taldeko pilotariak. Bi partidak 11:00etan hasiko dira. Finala, eguraldia lagun, hurrengo egunean jokatuko dute Villabonako errebote plazan. Guztira zortzi taldek hartu dute parte Enrike Abril txapelketaren aurtengo ekitaldian. Hiru Gipuzkoakoak: Behar Zana (Villabona), Txost (Oiartzun) eta Zubieta (Zubieta). Eta beste bostak Lapurdikoak: Endaiarrak (Hendaia), Kanboarrak (Kanbo), Luzean (Donibane Lohizune), Noizbait (Hazparne) eta Senpere (Senpere).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.