Etxean mendekotasuna duen pertsona bat zaintzen duten senideei dago zuzenduta Sendian egitasmoa.
![sendian](http://oarsoaldea.hitza.eus/site/files/2016/10/sendian.jpg)
Aurreko saioetako baten argazkia.
Oiartzungo Udalak, Gipuzkoako Foru Aldundiaren laguntzarekin, Sendian programaren barruko hainbat tailer antolatu ditu. Mendekotasuna duten pertsonak zaintzen dituzten senideei zuzenduta dago. Alegia, zaintzaile ez-profesionalei. Euren burua zaintzeko aholku batzuk emango dizkiete Matiako espezialistek.
Oraindik Sendian egitasmoko hiru saio egingo dituzte, eta hurrengoa datorren ostiralean, hilak 28, izango da. 15:00etan hasiko da saioa, udaletxeko areto nagusian, eta etxean mendekotasuna duen pertsonen senide oro gonbidatu dituzte bertan parte har dezaten.