Gazteak eta etxebizitzari buruzko jardunaldia egingo dute ostiralean

16 eta 35 urte dituzten gazteei zuzenduta dago jardunaldia. Euren iritzia bildu nahi dute, gazteen emantzipazioan urratsak egiteko.

Erik Gartzia Egaña

Oiartzun

2016/12/12

Agurtzane Lekuona Gazteria zinegotzia, Jexux Leonet alkatea, Eneritz Arbelaitz alkateordea eta Aztikerreko langileak, dignosia aurkeztu zutenean.

Datorren ostiralean, Oiartzun, gazteak etxebizitza izeneko jardunaldia egingo dute udaletxeko areto nagusian. Oiartzungo Udalak eta Aztikerrek antolatu dute saioa. Hamasei eta 35 urte arteko oiartzuarren artean etxebizitzari buruzko diagnosia egiten ari dira, eta testuinguru horretan kokatu dute ostiraleko jardunaldia. Orain arte, adin tarte horretako oiartzuarren %15ek hartu dute parte diagnosian, saioetara joanez edota inkestei erantzunez. Udalak eta Aztikerrek gazteak gonbidatu dituzte ostiraleko jardunaldira, euren errealitatea ezagutu eta urratu daitekeen bideari buruz hausnartu eta indarrak batzeko. Honakoa izango da egitaraua:

16:00etatik 16:15era: Ongietorria.
16:15etik 17:00etara: Oiartzungo emaitzen aurkezpena.
17:00etatik 17:15era: Atsedena.
17:15etik 18:30era: Esperientzia eta ereduen aurkezpenak.
- Gurutzeko etxebizitza kooperatiba.
- Errezilgo auzoetxea.
- Amsterdamgo belaunaldi arteko esperientziaren bideoa.
18:30etik 18:45era: Oiartzungo Etxebizitza Bulegoaren aurkezpena.
18:45etik 19:30era: Herrirako proposamen eta aukerak.
19:30etik 20:15era: Ekarpenen antolaketa eta lehenestea.
20:15etik 20:30era: Agurra eta luntxa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.