75 minutu behar izan zituzten markagailua mugitzeko. Partidako azken minutuak, atzo, ez ziren zorigaiztokoak izan; Carolek bigarren gola sartu zuen.
Partida oso lehiatua izan zen atzokoa.
Oiartzunek denboraldiko lehen garaipena lortu zuen atzo eguerdian. Gainera, Lehen Mailara bueltatu zenetik, etxetik kanpo lortutako aurreneko garaipena izan zen Bartzelonako Dani Jarque futbol hirian.
Arerio zuzena da Espanyol, eta partida hasieratik bi taldeak gogor lehiatzera irten ziren zelaira, eta zelai erdian trabatu zen jokoa. Hori bai, etxekoak izan ziren lehen bi aukerak sortu zituztenak. Oihana Aldairen ate ingurura hurbildu ziren, baina ongi aritu zen oiartzuarren atezaina. Abisu horien ondoren, lehengo bidera itzuli zen partida. Hirugarren aukera bat izan zuten Espanyolekoek, aldagelara joan aurretik.
Bigarren zatia ere lehia estuarekin hasi zen, baina jokoa zelai erdian pilatu beharrean, joan etorriko partida bihurtu zen. Aukera batzuen ondoren, bigarren zatiaren ordu erdian iritsi zen lehen gola. Joana Arranzek sartu zuen, kornerreko jokaldi nahasi batean. Bukaeran, berdinketaren bila joan ziren kataluniarrak. Aurreko partidetan azkeneko minutuetan puntu asko galdu zituen Gari Argoteren taldeak. Baina atzo ez. Are gehiago: kontraeraso bat probestu zuen Carolek oiartzuarren bigarrena sartzeko.
Urtea ederki hasi du Oiartzunek, bi partidatan lau puntu lortuta. Espanyolek berak markatzen mailari eustea postua. Oiartzun bi puntura dago eta, gainera,
average-a eskuratu du. Bi asteburu barru Albaceten jokatuko du talde urdinak. Ea bide beretik jarraitzen duten.
Hona Oiartzungo taldeen gainontzeko emaitzak:
FUTBOLA
Gizonen Erregional Ohorezko Maila
Emakumeen Euskal Liga
Gizonen Lehen Erregionala. Igoera Fasea.
- Axular Isturin-Oiartzun B: 1-1.
ARETO FUTBOLA
Gizonen Hirugarren Maila
Gipuzkoako Lehen Maila
- Power Rangers-Cecilia Fruta Denda Kebab Lasarte: 4-5.
Gipuzkoako Bigarren Maila
- Miren Taberna-Anoeta: 3-4.
SASKIBALOIA
Gizonen Gipuzkoako Lehen Maila
- Oiartzungo Saskilagunak-TAKE Orbela taberna: 46-63.
