Indarkeria matxistari aurre egiteko hitzaldia antolatu dute
Ana Lopez abokatuak emango du hitzaldia, doakoa da, eta Kultur aretoak hartuko du 17:00etatik 19:00etara.
Indarkeria matxistari aurre egiteko baliabide sozial eta juridikoen gaineko hitzaldia antolatu du hilaren 26an, osteguna, Ana Lopez abokatuaren eskutik. Doakoa da hitzaldia eta Kultur aretoak hartuko du 17:00etatik 19:00etara.
Lopezek indarkeria matxista kasuak nola antzeman eta biktimek zein baliabide dituzten eskura azalduko du. Salaketa jarri duten, zein jarri ez duten emakumeek zein baliabide judizial dituzten azalduko du. Indarkeria matxista jasaten duten emakumeek bizitzen ari direna kontatzeko zein bide egin dezaketen argituko du bestalde abokatuak. Azkenik, Donostiako Emakumeen Etxearen gainean ere mintzatuko da, zer den, eta zer egiten duten bertan azalduko du. Izan ere, indarkeria matxista jasan duten emakume askorentzat erreferentziazko zentroa da Donostiako Emakumeen Etxea. 
