Oiartzungo Itsaslapurrak ez dira abordatzera aterako

Bi denboraldiren ondoren, arraun elkarteak ez du jarraituko. San Juan B izango da aurtengo denboraldian eta, ondorioz, ez dira mailaz igoko.

Erik Gartzia Egaña

Oiartzun

2017/01/24

Itsaslapurrak, Errenteriako Hiria banderarekin.

Bi denboraldi iraun ditu Oiartzungo Itsaslapurrak proiektuak. Aurtengo denboraldian estropadetan ez da herriaren ordezkaririk egongo. 2015ean itsasoratu zen, lehenengo aldiz, trainerua, gizon eta emakumeen eskifaiekin. Pasa den urtean, berriz, mutilak bakarrik aritu ziren, San Juan taldearen laguntzarekin; materiala, egoitza eta arraunlariak utzi zizkieten, “adiskidetasunezko hitzarmen batean”, Xabier Arraras Pasai Donibaneko klubaren presidenteak gogorarazi zuen bezala. KAE2 Ligan jaun eta jabe izan zen talde urdin-arrosa. Hamalau estropadetatik 11 irabazi zituzten, eta KAE1 Ligara igotzeko txartela eskuratu zuten. San Juan Bk hartuko du oiartzuarren tokia, baina ez dira mailaz igoko, izen aldaketarekin zerotik hasi beharko baitu klub arrosaren bigarren taldeak. AKTren bilera, larunbatean Traineruen Kluben Elkarteak urteko lehenengo bilera egingo du datorren larunbatean, elkarteak Oiartzunen duen egoitzan. Bertan bi gai garrantzitsu jorratuko dituzte. Alde batetik, Ondarroa eta arraun elkarteak ligan sartzea onartuko dute, Portugalete eta Zumaiaren kalte. Bestetik, datozen bi urtetarako lehendakaria eta zuzendaritza batzordea aukeratuko dituzte. Pedro Andueza bost urtez izan da elkartearen lehendakaria, eta bazkideek erabaki beharko dute nork ordeztuko duen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.