Erasoak saihesteko, eta herritarrek eskatuta hartu du erabakia udalak.
Galtzaraborda auzoko igogailu hau izan da eraso duten azkena.
Errenteria-Oreretako igogailu publikoek ez dute zerbitzurik emango gauez gaurtik hasita. Hala erabaki du udalak erasoak saihesteko, eta herritarrek eskatuta. Horrenbestez, igogailuek ordutegia izango dute bihartik aurrera. Lanegunetan 06:00etatik 23:00etara erabili ahal izango dira, eta jaiegunetan, 07:00etatik 23:00etara. Topoaren zerbitzuarekin bateragarriak direla ordutegi horiek esan du udalak.
Igogailuak maiz erasotzen dituztela eta gertakariak gauez izaten direla azaldu du udalak, “gaia auzo batzarrean landu eta gauez ixteko proposamena aztertu zen”. Horrekin batera, kamerak ere jarriko ditu udalak erasoak saihesteko.
Herriko igogailuen aurkako azken erasoa urteko lehen egunean jazo zuten Galtzaraborda auzoko igogailuek. Hiruetako bat kiskali zuten. Konponketagatik 13.000 euro ordaindu behar izan ditu udalak, eta hilabetez igogailuetako batek ez du zerbitzurik eman.