Etxeko lehenengo garaipenaren bila

Fundacion Albacete taldea jasoko du Karla Lekuonan herriko futbol talde nagusiak, etzi. Aurreko jardunaldiko garaipenari beste bat lotu nahi diote [+kirol agenda].

Erik Gartzia

Oiartzun

2017/01/27

Carolen gola ospatzen.

Hilabete eta erdi pasatu du etxean jokatu gabe. Bundesliga dirudi, baina Iberdrola liga da. Oiartzun Kirol Elkarteko talde nagusia etzi bueltatuko da Karla Lekuonara. Arerio zuzena jasoko du: Fundacion Albacete. Aurreko jardunaldian lortu zuten oiartzuarrek lehenengo garaipena, Bartzelonan, eta etxeko lehenengoaren bila zelairatuko dira. Zortzi puntu ditu talde urdinak, eta hamahiru Mantxakoek. Garaipena lortuz gero, mailari eusteko borrokan are gehiago sartuko lituzkete. Partida 12:00etan hasiko da.

FUTBOLA

Gizonen Erregional Ohorezko Maila

Amaikak Bat-Oiartzun. Bihar, 16:30ean, Debako Errotazar futbol zelaian.

Emakumeen Euskal Liga

Oiartzun B-Erandioko Betiko Neskak. Bihar, 17:30ean, Karla Lekuonako zelai txikian.

Gizonen Lehen Erregionala. Igoera Fasea.

Elgoibar-Oiartzun B. Bihar, 16:00etan, Mintxetan.

ARETO FUTBOLA

Gizonen Hirugarren Maila

Oiartzun-Ostadar Carpinteria Antonio. Bihar, 17:30ean, Elorsoron.

Gipuzkoako Lehen Maila

Hirukide Eskolapioak-Power Rangers. Bihar, 18:00etan, Tolosako Eskolapioetan.

Gipuzkoako Bigarren Maila

Makax-Miren Taberna. Gaur, 21:45ean, Donostiako Marianistak eskolan.

SASKIBALOIA

Gizonen Gipuzkoako Lehen Maila

Cafes Aitona Askatuak-Oiartzungo Saskilagunak. Bihar, 20:00etan, Donostiako Paco Yoldi kiroldegian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.