60 orduko ikastaroa eskainiko dute Oarsoaldeko lau udalerrietako euskaltegiek, etorri berri direnek hizkuntzara lehen hurbiltze urratsak eman ditzaten.
AISA egitasmoko eskolak martxoaren 1ean hasiko dituzte.
Oarsoaldeko Euskara Batzordeak beste urtebetez antolatu du AISA programa, udal euskaltegiekin zein AEK-koekin. Helburua da lau udalerrietara iritsi berri diren hamasei urtetik gorako pertsonek euskararanzko lehen hurbilpena egitea.
Ikastaroa 60 ordukoa da, eta eskolak martxoaren 1etik ekainaren 3ra bitartean emango dituzte, lau ordu asteko maiztasunarekin. Errenteria-Oreretako eta Pasaiako udal euskaltegietan emango dituzte, baita AEK-koetan ere (Errenteria-Oreretako Xenpelar AEK, Lezoko Oroitzene AEK, Oiartzungo Intxixu AEK eta Pasaiako Txirrita AEK). Eskola orduak eta tokiak moldagarriak izan daitezkeela jakinarazi dute.
Otsailaren 21era arteko epea izango du izena eman nahi duenak. Tokian tokiko euskara zerbitzuan eman beharko dute izena:
- Errenteriako Euskara Zerbitzua 943 449 613 (Herriko enparantza z/g).
- Lezoko Euskara Zerbitzua 943 513 476 (Donibane kalea 2).
- Oiartzungo Euskara Zerbitzua 943 493 842 (Fermiñene etxea. Aialde, 3).
- Pasaiako Euskara Zerbitzua 943 004 330 (Euskadi etorbidea 61).
Matrikularen prezioa bost eurokoa izango da, eta matrikularen kostuei aurre egiteko informazioa galde daiteke izena ematerakoan. Ikastaroa bukatzean, agiria jasoko dute bertan parte hartzen dutenek.
