59 bikotek hartuko dute parte gizonen txapelketan, hiru mailatan banatuta. Datorren asteburuan igandean bakarrik jokatuko dituzte partidak.
Zutik: Enbil, Otxoa, Toledo epailea, Arregi eta Urreaga. Makurtuta: Txoperena, Ormaetxea, Barbulo eta Luarizayerdi.
Pasa den asteburuan hasi zen aurtengo Euskal Herriko Pala Txapelketa Irekia. Gizonek osatutako 59 bikotek eman dute izena Girizia Elkarteko pilota sailak antolatutako txapelketan. Horietako hamabik osatuko dute Lehen Maila, 31k bigarrena eta hamaseik hirugarrena.
Asteburuan hirugarren mailakoek hiru partida jokatu zituzten, tartean Getaria eta Bidegain oiartzuarrek Juaristi eta Askaiturrietaren kontra jokatu zutena. Tanto bakarrarengatik galdu zuten oiartzuarrek. Bigarren Mailako beste sei partida jokatu zituzten. Honakoak izan ziren bederatzi partiden emaitzak:
Hirugarren maila
- Otxoa-Enbil/Arregi-Urreaga: 21-25.
- Getaria-Bidegain/Juaristi-Askaiturrieta: 24-25.
- Alvarez-Zunzundegi/Manzisidor-Pagoaga: 12-25.
Bigarren maila
- Txoperena-Ormaetxea/Barbulo-Kuarizaierdi: 16-25.
- Etxenike-Ibarra/Vicente Torres: 25-13.
- Epelde-Azpiroz/Urbieta-Iraeta: 25-14.
- Juanena-Matxain/Igoa-Gamio: 25-12.
- Ormazabal-Goiburu/Elizalde-Imaz: 25-21.
- Marin-Viana/Lozano-Nuin: -.
Datorren asteburuko partidak igandean jokatuko dituzte, larunbatean
Gure Esku Dago-k Madalensoron egingo dituelako bere ekitaldietako batzuk. Ondorioz, igande goizean, 08:00etatik aurrera, jokatuko dituzte. Honakoak izango dira partida horiek:
Lehen Maila
- Aroztegi-Azpeitia/Salaberria-Huegun.
- Larralde-Zumeta/Zabala-Arroniz.
Bigarren Maila
- Galdos-Juarez/Altzuri-Gametxo.
- Perez-Elizasu/Mattin-Manex.
