Ihoteen ondoren, inauteriak

Haurtzaro Ikastolakoek bihar, Abaraxkoek etzi, eta dantzariek igandean girotuko dituzte Oiartzungo 2017ko inauteriak.

Haurtzaro Ikastolakoak, 2016ko inauterietan.

Ihoteak pasatuta, inauterien txanda izango da Oiartzunen. Ez dira pasa den asteburuan bezain beste ekitaldi izango, baina ospatzeko gogoa berbera izango da. Horrela, bihar Haurtzaro Ikastolak izango du protagonismoa. Goizean, 10:30etik aurrera, desfilea egingo dute kaskotik zehar, mozorroak jantzita. Arratsaldean, berriz, emanaldia eskainiko dute ikastolako anfiteatroan (euria eginez gero, Elorsoro kiroldegian izango da). Larunbatean, berriz, Abaraxkak aurtengo Korrikaren abestia eta —bereziki— haren bideoklipa izango du oinarri. Zirkorrika mozorroak prestatzen ari dira egunotan, eta etzi arratsaldean jantziko dituzte. 16:30ean elkartuko dira ludotekan, eta herrian zehar zirkorrika ariko dira. Ondoren, Doneztebe plazara iritsi eta emanaldia eskainiko dute, txokolate jate batekin bukatzeko. Igandean, berriz, dantza-jauziak egongo dira Doneztebe plazan, 12:00etatik aurrera.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.