'Hitz debekatuak', Maider Zabalegiren diskoaren lehen aperitiboa
'Zuei' du izena oiartzuarraren bakarkako lehen diskoak. Elkar argitaletxearekin argitaratuko du, udaberriarekin batera. Abesti bat aurreratu dute.
Ia hamarkada bat musika eszena albo batera utzi ondoren, Maider Zabalegi musikari oiartzuarrak disko berria aurkeztuko du udaberrian. Zuei du izena bere bakarkako ibilbideko lehen lanak, eta pop generoa lantzen du gehienbat.
Elkar argitaletxearekin argitaratuko du disko berria, eta argitaletxeak lehenengo abestia igo du Youtube plataformara, Hitz debekatuak. Bederatzi abesti gehiagok osatzen du disko berria, eta Zabalegik hainbat musikari izan ditu lagun diskoa osatzerako garaian. Honakoak izan dira: Urbil Artola, (lap steel gitarra, dobroa, gitarra akustikoak, koruak); Joseba Loinaz (pianoa); Dani Venegas (gitarrak, mandolina, banjoa, baxua, Hammond organoa, sintetizadorea, perkusioa, koruak); Karlos Aranzegi (bateria, perkusioak) eta Alaitz Telletxea (soinu txikia, ahotsak).
